Mótmælt í Hong Kong | 1. júlí 2021
Varaði erlend áhrifaöfl við blóðbaði
Xi Jinping, forseti Kína, varaði í gær leiðtoga erlendra ríkja við því að þeir myndu standa frammi fyrir „blóðbaði“ ef þeir reyndu að „leggja Kína í einelti“ eða hafa áhrif á landið. Ummælin lét Xi falla í ögrandi ræðu í tilefni aldarafmælis kommúnistaflokksins.
Varaði erlend áhrifaöfl við blóðbaði
Mótmælt í Hong Kong | 1. júlí 2021
Setja bókamerki
Xi Jinping, forseti Kína, varaði í gær leiðtoga erlendra ríkja við því að þeir myndu standa frammi fyrir „blóðbaði“ ef þeir reyndu að „leggja Kína í einelti“ eða hafa áhrif á landið. Ummælin lét Xi falla í ögrandi ræðu í tilefni aldarafmælis kommúnistaflokksins.
Xi Jinping, forseti Kína, varaði í gær leiðtoga erlendra ríkja við því að þeir myndu standa frammi fyrir „blóðbaði“ ef þeir reyndu að „leggja Kína í einelti“ eða hafa áhrif á landið. Ummælin lét Xi falla í ögrandi ræðu í tilefni aldarafmælis kommúnistaflokksins.
Kínversk stjórnvöld hafa að undanförnu hlotið verulega gagnrýni vegna meintra mannréttindabrota og harðneskju í garð Hong Kong.
„Kínverjar munu aldrei leyfa erlendum öflum að leggja okkur í einelti, kúga okkur eða hneppa okkur í þrældóm,“ sagði Xi. „Hver sá sem vill gera það mun standa frammi fyrir blóðbaði fyrir framan Kínamúrinn sem er byggður af meira en 1,4 milljörðum Kínverja.“
Stefnir enn á að taka völdin af Taívan
Þá sagði Xi að stjórnvöld í Kína myndu ekki leyfa „heilagar predikanir“. Ummælin hafa verið túlkuð sem skilaboð til Bandaríkjanna. Tengsl ríkjanna tveggja hafa versnað mikið á síðustu árum.
Málefni Taívan hafa valdið mikilli spennu á milli ríkjanna. Þótt Taívan líti á sig sem fullvalda ríki sér Kína eyjuna sem réttmætan hluta af Kína.
Samkvæmt eigin lögum eru Bandaríkin skuldbundin til þess að koma Taívan til aðstoðar við að verja sig ef kínversk stjórnvöld gera tilraunir til þess að taka sjálfsstjórnina af Taívönum.
Xi sagði í ræðu sinni að Kína héldi „óhagganlegri skuldbindingu“ sinni í því að sameinast Taívan að nýju.
