Söngkonan Svala Björgvinsdóttir kom fram á Mærudögum á Húsavík um helgina. Þar söng hún meðal annars lagið Húsavík, úr Eurovision-kvikmynd Wills Ferrels. Svala birti myndband af sér að syngja lagið og virðist hafa verið góð stemning á höfninni á meðan hún söng lagið. 

„Í gærkvöldi endaði ég tónleikana mína með laginu „Húsavík“ og allir sungu með. Að fá að syngja þetta dásamlega lag á Húsavík var stórkostleg upplifun og þessi stund með Húsvíkingum var gjōrsamlega ógleymanleg,“ skrifaði Svala við myndbandið. 

Svala á sérstaka tengingu við Húsavík en undanfarið árið hefur hún verið í sambandi með Kristjáni Einari Sigurbjörnssyni sem er einmitt frá Húsavík. Parið hefur því eytt töluverðum tíma á Húsavík og í nærsveitum.