Crossfitstjarnan Katrín Tanja Davíðsdóttir og fyrrverandi íshokkíleikmaðurinn Brooks Laich eru nýtt par að sögn bandaríska fjölmiðilsins People. Parið flaug saman út til Havaí fyrr í vikunni en þau sáust kyssast þegar Katrín Tanja lauk keppni á heimsleikunum í crossfit á sunnudag. 

Laich er 38 ára gamall og á yfir 750 keppnisleikni í íshokkíi að baki. Hann var giftur leik- og söngkonunni Julianne Hough frá 2017 til 2020, en þau tilkynntu skilnað sinn í maí 2020. 

Katrín Tanja og Laich kysstust eftir að hún lauk keppni á heimsleikunum í Crossfit. Skjáskot/YouTube

Laich hefur birt fjölda mynda af Katrínu á instagramsíðu sinni og fer fögrum orðum um hana undir myndunum, sem og í athugasemdum á síðu hennar. 

Katrín og Laich dvelja nú á Four Seasons-hótelinu á Hualalai á Havaí og deildu bæði mynd af morgunmatnum sínum í gærmorgun.

Katrín Tanja og Brooks Laich snæddu morgunverð saman á Four Seasons hótelinu á Hualalai. Samsett mynd