Uppskriftir | 23. október 2021

Svanhildur mætti með franska súkkulaðitertu

Hér gefur að líta uppskrift að franskri súkkulaðitertu sem Svanhildur Garðarsdóttir í Kvennakór Ísafjarðar mætti með á kóræfingu þar sem haldin var dýrindis veisla í lokin á.

Svanhildur mætti með franska súkkulaðitertu

Uppskriftir | 23. október 2021

Ljósmynd/Albert Eiríksson

Setja bókamerki

Hér gefur að líta uppskrift að franskri súkkulaðitertu sem Svanhildur Garðarsdóttir í Kvennakór Ísafjarðar mætti með á kóræfingu þar sem haldin var dýrindis veisla í lokin á.

Kórmeðlimir eru greinilega afbragðs kokkar líka og við höfum fengið að deila uppskriftunum sem Albert Eiríksson var svo yndislegur að skrásetja á matarblogginu sínu Albert eldar.

Frönsk súkkulaðiterta

4 egg
2 dl sykur
200 g smjör
200 g suðusúkkulaði
1 dl hveiti

Súkkulaðibráð:

150 g suðusúkkulaði
70 g smjör
2 msk. sýróp

Kakan: Hitið ofn í 170C. Egg og sykur þeytt vel. Smjör og súkkulaði brætt saman við vægan hita og er svo varlega bætt saman við eggin og sykurinn. Bætið hveitinu saman við og hrærið. Setjið í form og bakið í 30 mín (hún á að vera svolítið blaut – ég hef klætt lausbotna form með ál- eða bökunarpappír, bæði svo hún leki ekki úr og auðvelt að ná henni úr).

Súkkulaðibráð: Allt brætt saman við vægan hita, kælt aðeins og svo hellt yfir kökuna.

Best með þeyttum rjóma og berjum