Athafnamaðurinn Sigmar Vilhjálmsson, betur þekktur sem Simmi Vill, greindist með kórónuveiruna í gær. Simmi greinir frá þessu á Instagram síðu sinni. 

Simmi fór bæði í sýnatöku og tók sjálfspróf heima. Á meðan hann beið eftir niðurstöðum úr sýnatökunni tók hann sjálfsprófið og reyndist það jákvætt. 

Ekki væsir þó um Simma en hann er í einangrun heima hjá sér. Hann fór bæði yfir vínkælinn og ísskápinn og þar voru nægar byrgðir af góðum vínum og bjór. 

Simmi lofar fylgjendum sínum á Instagram að mikið stuð verði á honum í einangrunni. Stefnir hann á að elda eitthvað góðgæti og jafnvel stofna hlaðvarp.

Sigmar fékk jákvæða niðurstöðu í gærkvöldi.