Bandarískur áfrýjunardómstóll hefur hafnað beiðni Donalds Trumps, fyrrverandi Bandaríkjaforseta, um að koma í veg fyrir birtingu gagna úr Hvíta húsinu sem tengjast árásinni á þinghús landsins 6. janúar.

Frétt af mbl.is

Dómari hafnaði beiðni Trumps

Dómstóllinn staðfesti úrskurð neðri dómstóls um að afhenda skuli rannsóknarnefnd þingsins gögnin en hún hefur rannsakað ofbeldi stuðningsmanna Trumps í þinghúsinu.

Trump, sem hefur verið sakaður um að hafa ýtt undir árásina á þinghúsið, vísaði í lög um friðhelgi forseta til að halda skjölum og símagögnum, sem gætu tengst árásinni, leyndum.

Lögmenn Trumps hafa tvær vikur til að áfrýja málinu til Hæstaréttar.