Arnar Grant, einkaþjálfari hjá World Class, er farinn í tímabundið leyfi frá störfum í kjölfar frásagnar ungrar konu um ástarsamband þeirra. Þetta staðfestir eigandi World Class, Björn Leifsson, við fréttastofu Vísis.

Frétt af mbl.is

Vitaliya Lazareva segir frá ofbeldissambandi við kvæntan mann

Málið tengist frásögn hinnar 24 ára gömlu Vitaliu Lazarevu í hlaðvarpsþætti Eddu Falak, Eigin konur, fyrr í vikunni. Þar lýsti hún alvarlegu kynferðislegu ofbeldi sem hún var beitt af kærastanum sínum, sem væri þekktur einkaþjálfari, og þremur vinum hans í sumarbústað.

Í viðtalinu lýsti hún því einnig hvernig maðurinn sem hún var í sambandi við beitti hana andlegu ofbeldi með því að tala niðrandi um hana og bauð vinum sínum ítrekað að sofa hjá henni.

Fjórir aðrir aðilar farnir í leyfi eða stigið til hliðar

Þá hefur einnig verið greint frá því í dag að fjórir aðrir aðilar sem bendlaðir eru við frásögn Vitalíu séu farnir í tímabundið leyfi eða hafi stigið til hliðar í kjölfar frásagnarinnar. Þeir eru Ari Edwald, Logi Bergmann, Hreggviður Jónsson og Þórður Már Jóhannesson.

Vítal­ía lýsti því í hlaðvarpsþætt­in­um Eig­in kon­ur hvernig menn­irn­ir hefðu brotið á sér. Um er að ræða tvö aðskil­in mál, annað þeirra átti sér stað í heit­um potti í sum­ar­bú­stað með ást­mann­in­um og þrem­ur vin­um hans. Hitt átti sér stað í golf­ferð.

Frétt af mbl.is

Ari Edwald í leyfi vegna ásakana

Frétt af mbl.is

Hreggviður stígur til hliðar vegna ásakana

Hún seg­ir þá hafa farið yfir öll sín mörk og mörk allra þeirra sem voru í pott­in­um, m.a. ást­manns henn­ar, sem var einnig á staðnum þegar þetta átti sér stað. Í stað þess að segja eitt­hvað hafi hann þó yf­ir­gefið pott­inn og skilið Vítal­íu eina eft­ir með mönn­un­um.

Hún seg­ist hafa rætt við alla menn­ina í síma um hvað gerðist. Þá hafi hún einnig sagt þeim að hún hygðist leita rétt­ar síns. „Ég sagði þeim það og þeir leituðu aldrei aft­ur til mín,“ seg­ir Vítal­ía í viðtal­inu.

Frétt af mbl.is

Logi í leyfi

Frétt af mbl.is

Þórður Már Jóhannesson lætur af störfum