Crossfit-stjarnan Katrín Tanja Davíðsdóttir og kærasti hennar, fyrrverandi íshokkíkappinn Brooks Laich eyða Valentínusardeginum hér á Íslandi. Skelltu þau sér í Bláa lónið í tilefni dagsins. 

Laich er greinilega rómantískur maður en Katrín sýndi frá rósum á Instagram sem hann hafði gefið henni í tilefni dagsins. Þá birti hann fallega mynd af Katrínu í böðunum. 

Katrín birti sömuleiðis falleg myndband af þeim saman í Bláa lóninu. „Mesta lukka lífs míns að hann sé ástin mín. Til hamingju með Valentínusardaginn, ástin mín,“ skrifaði Katrín við myndbandið. „Verð aldrei þreyttur á þessu brosi, til hamingju með daginn ástin mín,“ skrifaði Laich í athugasemd við myndbandið.

Samband Katrínar og Laich hófst á síðasta ári en þau opinberuðu sambandið skömmu eftir að hún hafði lokið keppni á heimsleikunum í crossfit í byrjun ágúst.