Leikarinn Matt LeBlanc úr Vinum er hættur með kærustu sinni, sjónvarpsframleiðandanum Auroru Mulligan. LeBlanc og Mulligan voru búin að vera saman í rúmlega fimm ár þegar þau hættu saman.

Fyrst fréttist af sambandi LeBlanc og Mulligan árið 2016. Þá var hann stjórnandi í breska sjónvarpsþáttunum Top Gear en hún framleðandi. 

„Samband Matts og Auroru hefur runnið sitt skeið. Það er alveg búið,“ sagði heimildarmaður The Sun. Heimildarmaðurinn segir að LeBlanc hafi tekið sambandsslitunum illa og þrátt fyrir aldursmuninn hafi þau átt afar vel saman. Þeim gekk illa að verja tímai saman en eftir að LeBlanc hætti sem kynnir í Top Gear fyrir þremur árum hefur hann haldið til í Los Angeles en Mulligan unnið í Bretlandi. 

Heimildarmaður Daily Mail segir að þau hafi hætt saman í leyni fyrir mörgum mánuðum. „Þau hafa ekki verið saman í meira en ár.“