Ásdís Kristjánsdóttir býr ásamt eiginmanni sínum, Agnari Tómasi Möller, í fallegu húsi í Kópavogi ásamt þremur börnum sínum. Húsið er teiknað af arkitektinum Björgvini Snæbjörnssyni og er það vel hannað og fallegt. 

Ásdís og Agnar kynntust í verkfræði í háskólanum og eftir að hafa verið vinir í nokkur ár felldu þau hugi saman. Þau gengu í hjónaband 2010 og eftir að hafa búið í vesturbæ Reykjavíkur fluttu þau í Kópavog. 

„Húsið nær vel utan um okkur,“ segir Ásdís aðspurð að því hvað hafi heillað þau við það en þau þurftu litlu að breyta þegar þau festu kaup á húsinu nema að mála. 

„Stíllinn á húsinu er algerlega okkar stíll og okkur líður vel,“ segir Ásdís. 

Þótt búsetan í Kópavogi sé góð þá vill Ásdís gera betur og leggja sitt af mörkum. Hún býður sig fram í 1. sæti í prófkjöri Sjálfstæðisflokksins í Kópavogi.