Fiskveiðistjórnunin | 9. mars 2022

Skora á stjórnvöld að efla strandveiðar

„Strandveiðifélags Íslands, skorar á íslensk stjórnvöld að hlúa að og efla strandveiðar við Ísland.Taka þarf stór skref til að uppfylla álit mannréttindanefndar Sameinuðu þjóðanna frá árinu 2007.“

Skora á stjórnvöld að efla strandveiðar

Fiskveiðistjórnunin | 9. mars 2022

Á stofnfundi Strandveiðifélags Íslands var samþykkt ályktun þar sem skorað er á stjórnvöld að stuðla að auknum strandveiðum. Ljósmynd/Aðsend

Þannig hefst ályktun sem samþykkt var á stofnfundi strandveiðifélagsins um helgina.

Auk þess er skorað á Alþigni og Ríkisstjórn að „taka einnig tillit til niðurstöðu Hæstaréttar Íslands frá 1998 þar sem kemur ótvírætt fram að fiskveiðistjórnunarkerfið eins og það er uppbyggt væri andstætt jafnréttisákvæðum stjórnarskrárinnar og ákvæðum um atvinnufrelsi.“

Telja félagsmenn Strandveiðifélagsins auknar handfæraveiðar vera til þess fallnar að svara „ákalli neytenda“ um umhverfisvænan fisk. „Við skorum því á stjórnvöld að nota tækifærið og hámarka verðmæti af fiskveiðiauðlindinni, skapa okkur sérstöðu í framleiðslu og sölu á umhverfisvænum handfærafiski, færa sjávarbyggðum meiri velsæld og tryggara atvinnulíf, m.a með starfsemi fiskmarkaða og afleiddri þjónustu í tengslum við veiðarnar, tryggja jafnræði og atvinnufrelsi, fara vel með hafsbotn og lífríki sjávar á landgrunninu.“

Ljósmynd/Aðsend

Ekki eru allir sammála félagsmönnum Starndveiðifélagsins og lýsti Heiðrún Lind Marteinsdóttir, framkvæmdastjóri Samtaka fyrirtækja í sjávarútvegi, nýverið þeirri skoðun að kröfur um auknar strandveiðar væru illa ígrundaðar.