Hvað er í matinn í kvöld? | 10. mars 2022

Fékk pastaréttinn að láni hjá Jamie Oliver

Veitingahúsaeigandinn Halla María „Hjá Höllu“ – elskar einfalda og góða rétti og færir okkur þennan pastarétt sem allir ættu að geta galdrað fram á augabragði.

Fékk pastaréttinn að láni hjá Jamie Oliver

Hvað er í matinn í kvöld? | 10. mars 2022

Pastaréttur sem slær alltaf í gegn. mbl.is/Hjá Höllu

Veitingahúsaeigandinn Halla María „Hjá Höllu“ – elskar einfalda og góða rétti og færir okkur þennan pastarétt sem allir ættu að geta galdrað fram á augabragði.

„Fyrir nokkrum árum horfði á ég þátt með Jamie Oliver og var hann að gera einfaldasta pasta sem ég hef séð. En einfalt er alltaf best! Þessi uppskrift er svo búin að fara í nokkra hringi hjá mér í gegnum tíðina og er þetta eitthvað sem ég á alltaf í og get reddað mér hvenær sem er þegar ég nenni ómögulega að hugsa hvað á að vera í matinn“, segir Halla María.

Halla fékk pastaréttinn að láni hjá Jamie Oliver

1/2 dl góð ólífuolía
2 hvítlauksgeirar
Rautt chilli (hér þarf hver og einn að ákveða hversu mikið chilli - ég nota lágmark eitt stykki með öllu í)
100 g ferskt basil
1 dós tómatar í dós, diced
Salt og pipar
Parmesan
Gott pasta, sjóða eftir leiðbeiningum (misjafnt hvað ég nota. en það er líka gott að nota ravioli ef það er til)

Aðferð:

Saxið hvítlauk, chilli og basil smátt, hellið olíu á pönnu og látið hitna vel. Hellið því næst hvítlauk og chilli á pönnuna þannig að það braki í því.
Strax eftir það, helmingnum af basilinu og tómötum í dós. Látið suðuna koma upp og slökkið undir. Saltið og piprið.
Þegar pastað er klárt er því helt á fallegt fat og sósan sett yfir.
Berið fram með ferskum parmesan, ólífuolíu, salti og pipar og ekki versnar þetta ef það er kalt hvítvín með.