Utanríkisráðherra Póllands sagði Sameinuðu þjóðunum í dag að innrás Rússa í Úkraínu hafi verið „hernaðarleg og taktísk mistök“.

Á fundi öryggisráðs Sþ sagði Zbigniew Rau að fyrir vikið hafi Rússar byrjað að ráðast á almenna borgara í árásum sem jafngiltu hryðjuverkum.

„Þessi aðgerð var bæði illa undirbúin og framkvæmd og hefur reynst vera hernaðarleg og taktísk mistök,“ sagði Rau.

Kona grætur fyrir utan fjölbýlishús í Kænugarði sem Rússar réðust á. AFP/Aris Messinis

„En í stað þess að koma í veg fyrir frekari ónauðsynleg dauðsföll innan eigin raða hefur Kreml ákveðið að breyta um takt.

„Innrásarherinn hefur byrjað að beina sjónum sínum að almennum borgurum og innviðum í tilraun til að brjóta niður andlegan styrk Úkraínumanna. Þetta er dapurlegt og skammarlegt og jafngildir hryðjuverkum,“ bætti hann við.