Nokkuð óvænt uppákoma átti sér stað á Óskarsverðlaununum þegar leikarinn Chris Rock stóð uppi á sviði. Þar ræddi hann um leikkonuna Jödu Pinkett Smith og vísaði til hennar sem „G.I. Jane“ vegna þess að hún er krúnurökuð. Þá hljóp eiginmaður hennar, leikarinn Will Smith upp á svið og löðrungaði Rock. 

Hvort um skipulagt atriði væri að ræða er óljóst þegar þetta er skrifað. 

Pinkett Smith hefur áður tjáð sig að hún hefur glímt við hármissi og það sé meðal annars ástæðan fyrir því að hún skartar krúnurökuðum kolli. 

Eðlilega sló atvikið Rock aðeins út af laginu í bókstaflegri merkingu, en hann hló og hélt áfram. Myndskeið af atvikinu má sjá hér fyrir neðan.