Að minnsta kosti tvö lík fundust ofan í ræsi við bensínstöð fyrir utan Kænuborg, höfuðborg Úkraínu, í morgun, að sögn fréttaritara AFP-fréttastofunnar á staðnum.

Miðað við klæðnaðinn virðist sem um almenna borgara hafi verið að ræða. Dýna virtist vera ofan á öðru líkinu.

Líkin við þjóðveg vestur af Kænugarði, skammt frá þorpinu Buzova.

Frétt af mbl.is

Uppgröftur hafinn á fjöldagröf í Bútsja

Úkraínumenn segjast hafa fundið töluvert af líkum almennra borgara í bæjum fyrir utan Kænugarð þangað sem rússneskar hersveitir hörfuðu. Þeir saka Rússa um stríðsglæpi.

Kona í öngum sínum kom að ræsinu og horfði þangað niður áður en hún brotnaði saman. „Sonur minn, sonur minn,“ grét hún.

Ekki er búið að ná líkunum upp úr ræsinu.