Páll Steingrímsson, skipstjóri hjá Samherja, sem ratað hefur ítrekað í fréttir eftir að gögn úr stolnum farsíma hans láku í fjölmiðla, segir að honum hafi verið boðinn friður frá ákveðnum hópi fjölmiðlamanna ef hann drægi kæruna á símastuldinum til baka. 

Frá þessu greinir Páll á facebook-síðu sinni þar sem hann fer yfir símastuldsmálið og segist oft líða eins og hann hafi óvart lent í lélegri bíómynd enda atburðarrásin lyginni líkust.

Frétt af mbl.is

Síma Páls stolið á meðan hann lá í öndunarvél

mbl.is greindi frá því fyrir ári síðan að gögnin sem birt voru á Stundinni og Kjarnanum um svokallaða skrímsladeild Samherja hafi verið úr síma Páls sem stolið hafi verið af honum á meðan hann lá á milli heims og helju á sjúkrahúsi. 

Veikur nákominn aðili gripið til örþrifaráðs

„Fyrir ári síðan greip aðili nákominn mér, þjakaður af veikindum, til örþrifaráðs til að þóknast öðrum. Ég endaði á gjörgæslu og í öndunarvél og ef ekki væri fyrir stærð mína og hversu líkamlega hraustur ég er og fyrir framúrskarandi heilbrigðisstarfsfólk væri ég ekki hér,“ segir í færslu Páls um aðdraganda málsins.

Frétt af mbl.is

Grunuð um dreifingu klámefnis

Frétt af mbl.is

Beiðni Þóru hafnað