Tónlistarmaðurinn Justin Bieber hélt að hjónabandið við fyrirsætuna Hailey Bieber myndi laga öll sín persónuleg vandamál. Parið gifti sig í New York árið 2018, ári seinna héldu þau brúðkaup þar sem fjölskylda og vinir komu saman til að fagna hjónabandi þeirra.  

„Þegar ég var nýgiftur Hailey fékk ég tilfiningalegt áfall. Ég hélt að hjónabandið myndi laga öll mín vandamál sem það gerði ekki. Þú vilt að eiginkonan þín geri eitthvað sen þú ert ekki einu sinni að gera sjálfur,“ sagði Bieber í hlaðvarpsviðtali við Ebro Darden. 

Trúin hefur hjálpað Bieber að vinna í sínum málum. „Þú verður að muna að guð er ekki reiður náungi, hann er kærleiksríkur, tillitsamur og fullur samkenndar. Guð veit hvað þú ert að ganga í gegnum og það eina sem hann vill er að þú sért besta útgáfan af sjálfum þér.“ 

Frétt af mbl.is

Bieber-hjónin bjóða í brúðkaup

Justin Bieber og Hailey Bieber. AFP