Tónlistarkonan Britney Spears og unnusti hennar, leikarinn Sam Asghari, njóta þess að ferðast og vera til áður en þau eignast barn saman. Turtildúfurnar voru staddar í rómantísku fríi í Mexíkó í vikunni. 

Spears sást leika sér á sjóþotu (e. Jet Ski) í Cabo San Lucas í Mexíkó á mánudaginn að því fram kemur á vef Daily Mail. Unnusti hennar skemmti sér sömuleiðis vel á tryllitækinu. Þau sáust einnig njóta þess að vera á fallegri ströndinni í góðum félagsskap. Staðurinn er þekktur fyrir að vera í uppáhaldi hjá stjörnunum enda stutt frá Kaliforníu. 

Spears og Asghari trúlofuðu sig í september eftir fimm ára samband. Þau eiga núna von á sínu fyrsta barni saman. Tónlistarkonan var í víðum hvítum bol á ströndinni svo ekki sást móta fyrir kúlunni í Mexíkó. 

Unnustinn Sam Asghari var með Spears í Mexíkó. AFP