Raunveruleikastjarnan og fasteignasalinn Chrishell Stause var nefnd í höfuðið á olíufélaginu Shell. Stause heitir fullu nafni Terrina Chrishell Strause en þegar móðir hennar var komin á steypirinn með hana fór fæðingin óvænt af stað á einni af bensínstöðvum Shell í Bandaríkjunum þar sem móðir hennar var stödd á þeim tímapunkti.

Þegar fæðingarferlið hófst inni á bensínstöðinni fékk móðir hennar aðstoð frá starfsmanni á stöðinni sem hét Chris. Nöfnunum tveimur var því skellt saman og út kom nafnið Chrishell, sem hún ber í dag. 

Chrishell vann til verðlauna á dögunum á MTV Movie and Tv Awards-hátíðinni. Þar var hreppti hún titilinn besta raunveruleikastjarnan en Chrishell er hluti af vinsælu Netflix-þáttaröðunum Selling Sunset. Þættirnir fjalla um dýrar og flottar fasteignir í Los Angeles og ævintýrin sem fasteignasalar eiga það til að lenda í. Þátturinn Selling Sunset var einnig valinn sem besti raunveruleikaþátturinn á MTV-verðlaunahátíðinni sem fram fór á dögunum.