Grillaðar lambakótilett­ur með kaldri mangó- og hvít­laukssósu, kart­öflu­bát­um og fjöl­breyttu meðlæti

Aðferð:

1. Takið lambakótilett­urn­ar úr kæli og leyfið þeim að ná stofu­hita (gott að miða við 2-3 klst. við stofu­hita)
2. Kveikið á grill­inu og leyfið því að ná nokkuð góðum hita.
3. Grillið á hvorri hlið í nokkr­ar mín. þar til eldað í gegn.
4. Látið standa í 10 mín. við stofu­hita áður en skorið er í það.

Kart­öflu­bát­ar með sítr­ónu og rós­maríni

Aðferð:

1. Kveikið á ofn­in­um og stillið á 200°C, und­ir+yfir.
2. Skerið kart­öfl­urn­ar í báta og setjið í eld­fast mót, hellið olíu yfir, stráið salti og óreg­anó yfir.
3. Takið nokkra stöngla af rós­maríni og smellið í fatið, skerið sítr­ón­una í marg­ar litl­ar sneiðar, smellið nokkr­um í fatið.
4. Bakið í 20-30 mín. eða þar til kart­öfl­urn­ar eru mjúk­ar í gegn.
5. Setjið ferskt rós­marín og sítr­ónu­bita aft­ur í fatið.

Köld mangó- og hvít­laukssósa

Aðferð:

1. Setjið maj­ónes í skál, rífið hvít­lauks­geir­ana út í maj­ónesið og hellið ed­ik­inu út á, kryddið með salti og pip­ar og hrærið sam­an.

Grillað eggald­in

Aðferð:

1. Skerið eggald­in í sneiðar, penslið með olíu og kryddið með salti.
2. Raðið á grill­bakka og grillið í nokkr­ar mín. á hvorri hlið þar til mjúkt og gott.

Grillaðir fyllt­ir svepp­ir

Aðferð:

1. Takið stöngl­ana úr svepp­un­um, skerið ost­inn í bita þannig að þeir kom­ist inn í svepp­ina.
2. Raðið þeim á grill­bakka og grillið þar til mjúk­ir.

Grillaðar gul­ræt­ur

Aðferð:

1. Snyrtið gul­ræt­urn­ar og skerið í helm­ing, raðið í fat sem má fara á grill (má líka baka í ofni).
2. Hellið balsam­e­diki á gul­ræt­urn­ar og dreifið púður­sykri og salti yfir.
3. Grillið (eða bakið) þar til mjúk­ar, stráið þá ses­am­fræj­um yfir.