Líkamsræktardrottningin Guðríður Erla Torfadóttir, betur þekkt sem Gurrý, er orðin amma. Gurrý deildi þessum gleðifréttum á Facebook fyrir helgi.

Sonur Gurrýar og fyrrverandi eiginmanns hennar, Markúsar Más Þorgeirssonar, Þorgeir Markússon varð faðir á dögunum. Hann og Emilía Anna Þorbjörnsdóttir eignuðust lítinn dreng. 

„Nýjasta hlutverkið mitt er að fá að vera amma þessa litla drengs.
Elsku Þorgeir Markússon og Emilía Anna Þorbjörnsdóttir til hamingju með drenginn ykkar. Hann er svo blessaður að fá ykkur sem foreldra í þessu lífi. Gurrý amma smellpassar bara á mig,“ skrifaði Gurrý við færsluna.

Gurrý er einn helsti líkamsræktarfrömuður þessa lands. Hún var þjálfari í þáttunum The Biggest Looser á sínum tíma en í dag rekur hún líkamsræktarstöðina Yama.