Megan Fox stakk upp á því að sofna OnlyFans aðgang með vinkonu sinni, raunveruleikastjörnunni Kourtney Kardashian, á dögunum þegar hún deildi myndum á bak við tjöldin frá Skims myndatöku þeirra. 

„Á bakvið tjöldin frá Skims myndatökunni með Kourtney. Eigum við að stofna OnlyFans?“ skrifaði hún undir myndina. Megan og Kourtney sátu fyrir hjá undirfatamerkinu Skims sem er í eigu athafnakonunnar Kim Kardashian, systur Kourtney í september 2021. 

„Ég elska að Skims skilji í raun og veru hverju konur vilja klæðast og að þær vilji upplifa sig sem kynþokkafullar, sjálfsöruggar og að þær hafi vald,“ sagði Megan í fréttatilkynningu sem kom út eftir myndatökuna. Hún segist hafa skemmt sér konunglega í myndatökunni.