Ný samstarfslína fjöllistamannsins Kanye West og Gap er seld úr ruslapokum í verslunum Gap. Aðdáendur West virðast lítið sáttir með þetta, en það var ákvörðun West að selja fötin úr svörtum ruslapokum.

„Svona er Gap að selja nýju Yeezy-línuna. Starfsmaðurinn sagði mér að Ye hafði orðið brjálaður þegar hann sá flíkurnar sínar á herðatrjám. Starfsfólkið má ekki hjálpa manni að finna sína stærð og maður þarf að gramsa sjálfur í pokunum, þannig vill hann hafa þetta,“ skrifar Twitter notandi sem býr í New York. 

Nýja lína Yeezy og Gap. Ljósmynd/Twitter

Fólk virðist ekki ánægt með að West noti heimilislaust fólk sem innblástur þegar það kemur að línunni og framsetningunni. Hann sé svo ríkur að hann sjái ekki heimilislaust fólk sem manneskjur, heldur sjái hann bara tækifæri til að vera djarfur í tískuheiminum.

Frétt af mbl.is

Falsaði andlátstilkynningu í kjölfar sambandsslita