Patrekur Jamie, raunveruleikastjarna og áhrifavaldur, var með hæstu tekjurnar af þeim Brynjari Steini Gylfasyni og Sigurjóni Baltasar Vilhjálmssyni. Var hann með 440 þúsund í tekjur á mánuði að meðaltali á síðasta ári. Þetta kemur fram í Tekjublaði Frjálsrar verslunar sem kom út í dag. 

Sigurjón Baltasar, betur þekktur sem Bassi Maraj, var með litlu minna eða 384 þúsund krónur í tekjur á mánuði á síðast ári. Brynjar Steinn, betur þekktur sem Binni Glee, var með 289 þúsund krónur í tekjur á mánuði. 

Patti, Bassi og Binni eru aðalstjörnur raunveruleikaþáttanna Æði sem sýndir hafa verið á Stöð 2 síðustu ár. Fjórða sería kom út á þessu ári.