Sunneva Eir | 25. ágúst 2022

Tvífari Sunnevu Einars selur 150 milljóna höll

Love Island-stjarnan Megan Barton Hanson hefur sett glæsilegt heimili sitt í Essex, Englandi á sölu fyrir 900 þúsund pund, eða um 150 milljónir króna.

Tvífari Sunnevu Einars selur 150 milljóna höll

Sunneva Eir | 25. ágúst 2022

Love Island-stjarnan Megan Barton Hanson hefur sett glæsilegt heimili sitt í Englandi á sölu. Samsett mynd

Setja bókamerki

Love Island-stjarnan Megan Barton Hanson hefur sett glæsilegt heimili sitt í Essex, Englandi á sölu fyrir 900 þúsund pund, eða um 150 milljónir króna.

Hanson vakti mikla athygli hér á landi þegar hún tók þátt í fjórðu þáttaröð Love Island, en glöggir áhorfendur voru ekki lengi að benda áhrifavaldinum Sunnevu Einarsdóttur á að þær væru sláandi líkar. Hanson hafnaði í fjórða sæti þáttaraðarinnar, ásamt Wes Nelson. Parið sleit sambandi sínu rúmu ári eftir lokaþáttinn.

Hanson festi kaup á eigninni í október 2020, en hún er 260 fm að stærð með fimm svefnherbergjum og tveimur baðherbergjum. Húsið er á tveimur hæðum og býður upp á mikinn lúxus. Á efri hæð hússins er glæsilegt fataherbergi og rúmgott snyrtiherbergi, en í garðinum er að finna heitan pott og heimarækt.