Íslensku sjónvarpsþættirnir Verbúðin eru tilnefndir til Prix Europa-verðlaunanna sem eru evrópsk ljósvakaverðlaun. Verðlaunin verða afhent í Berlín, Þýskalandi í október. Verbúðin naut mikilla vinsælda þegar þeir voru sýndir á Ríkisúvarpinu síðasta vetur.

Gísli Örn Garðarsson, Björn Hlynur Haraldsson og Mikael Torfason sem skrifuðu handrit þáttanna sem voru framleiddir af Vesturport í samstarfi við RÚV. Þættirnir fjalla um líf nokkurra fjölskyldna í sjávarútvegi, en þættirnir gerast um það leyti sem kvótakerfinu var komið á. 

Þættirnir eru tilnefndir í flokki leikins sjónvarpsefnis, en sjónvarpsþáttaraðirnar Ófærð, Ráðherrann, Flateyjargátan og Fangar hafa áður verið tilnefndar til verðlaunanna í sama flokki, og Ófærð vann til verðlaunanna árið 2016.