Mikið var lagt í förðunina þegar Chanel sýndi Ready-To-Wear línu sína í París í síðustu viku. Fyrirsæturnar voru vel farðaðar en til þess að fá sem besta útkomu skiptir máli að húðin sé vel nærð.

Frétt af mbl.is

Chanel hraðspólar yfir veturinn

Á flestar fyrirsætur var byrjað að setja Hydra Beauty Micro-sérum og Hydra Beauty Camellia Water Cream. Þá var farðinn Les Beiges -Touche de Teint borinn á andlitið með góðum bursta og andlitið skyggt vel. Vatnsheldu blýantarnir frá Chanel, Stylo Sourcils Waterproof, voru notaðir til þess að fá sterkari augnsvip og svo var Les 4 Ombres Tweed pallettan notuð mikið í litnum Brun et Rose. 

Dökkir varalitir verða áberandi næsta sumar og eru nú þegar orðnir það. Það er því ekki úr vegi að gera eins og förðunarmeistarar Chanel og bera á sig varalitinn Rouge Allure 204 Sensation. Þær sem þora ekki alla leið þangað geta farið í aðeins mildari lit eða Rouge Allure 195 Mise a Nu. 

Rouge Allure varalitnir koma í nokkrum litum.

Les 4 Ombres Tweed litapallettan er sérlega falleg og eiguleg.

Hér má sjá Rouge Allure 204 Sensation varalitinn í allri sinni dýrð.

Örlítill bleikur kinnalitur gefur alltaf svip.

Hér sést hvernig augnlokið og skyggt og hvernig augnskugginn flæðir upp að augabrúnum.

Það kemur falleg áferð ef varalitirnir eru bornir á með varalitapensli.

Hér er varaliturinn borinn á með varalitabursta til að fá fallegri áferð.