Kassia Mattis, fimm ára gömul stúlka í Englandi hefur slegið í gegn á samfélagsmiðlinum TikTok fyrir ótrúlega förðunarhæfileika sína. Móðir hennar, Shabnam Khodayari, segir áhuga dóttur sinnar á förðun hafa byrjað þegar hún var aðeins tveggja ára gömul. 

Mæðgurnar eru með yfir 2,9 milljónir fylgjenda á TikTok og hafa yfir 50 milljónir notenda líkað við myndbönd þeirra þar sem Mattis farðar móður sína á ótrúlegan máta. Þær deildu nýlega myndbandi sem sýnir magnaðan árangur Mattis frá því hún byrjaði að leika sér með snyrtivörur árið 2018 til dagsins í dag.

Khodayari segist hafa fengið þó nokkra gagnrýni á myndböndin þar sem mörgum þyki dóttir hennar of ungt fyrir förðunarheiminn. Því veigraði hún sér við að deila myndskeiðum í fyrstu, en áhugi dóttur hennar jókst hratt og var hún fljótlega farin að biðja móður sína að deila förðunarmyndböndum þeirra á TikTok. 

Khodayari segir Mattis hafa lært ýmsa förðunartækni með því að horfa á förðunarmyndbönd á Youtube, og með æfingunni sé hún nú orðin afar fær.