Ástríður J. Ólafsdóttir listamaður opnaði sýninguna Fellingar í Gallerí Fold á laugardaginn. Ástríður málar silkiefni sem hún stillir upp á einstakan hátt og setur ljós á bak við til að fá rétta áferð.

Í verkunum myndast nýr heimur þegar efni og klæði falla saman og mynda heimsmynd. Rétt eins og þegar jörðin býr til fjöll og dali með jarðskjálftum og eldgosum og úr verður annar veruleiki. 

Eins og sjá má á myndunum var stemning á opnuninni. Sýningarstjóri Fellinga er Maddý Hauth.