Það var ekki þverfótað fyrir skemmtilegu fólki þegar Katrín Jakobsdóttir og Ragnar Jónasson fögnuðu útkomu bókar sinnar, Reykjavík. Um er að ræða glæpasögu sem þau skrifuðu í sameiningu. Ragnar er þekktur glæpasagnahöfundur og hefur gefið út eina glæpasögu á ári frá 2009. Katrín Jakobsdóttir, forsætisráðherra, er aftur á móti sérfræðingur í glæpasögum en það var drottning glæpasagnanna, Agatha Christie sjálf, sem leiddi þau saman.

Bókin fjallar um Láru sem hverfur sporlaust 1956 en það er ekki fyrr en 20 árum síðar, 1986, í kringum 200 ára afmæli Reykjavíkurborgar sem eitthvað fer að gerast. 

Stella Andrea Guðmundsdóttir, ljósmyndari Smartlands, var að sjálfsögðu á svæðinu og fangaði töfrana sem lágu í loftinu þetta síðdegi í október.