Annar opni fundurinn undir merkjum „Auðlindarinnar okkar“ fer fram í Valhöll á Eskifirði, en verkefnið er liður í umfangsmikilli stefnumótun Svandísar Svavarsdóttur, matvælaráðherra, í málefnum fiskveiðiauðlindarinnar.

Alls verða fundirnir fjórir. Sá fyrsti fór fram á Ísafirði í síðustu viku og verður sá næsti í Vestmannaeyjum 8. nóvember og hinn síðasti á Akureyri 15. nóvember. Fundurinn verður sendur út í beinu streymi og hægt er að senda inn spurningar í gegnum netið (sjá neðst í fréttinni).

Fundarstjóri að þessu sinni er Stefán Þór Eysteinsson, formaður bæjarráðs Fjarðabyggðar.