Samtök atvinnulífsins gera engar athugasemdir við það hvernig verkalýðsfélögin skipuleggja sig og mæta til samningaviðræðna. „Við erum svo sem öllu vön hjá Samtökum atvinnulífsins, þekkjum það meðal annars frá fornu fari að það eru oft tugir manna í húsi þegar fundað er hjá ríkissáttasemjara,“ segir Halldór Benjamín Þorbergsson, framkvæmdastjóri SA.

Athygli vakti að í frétt um fyrsta viðræðufundi Eflingar stéttarfélags og Samtaka atvinnulífsins sem fram fór síðastliðinn föstudag kom fram að 89 væru í viðræðunefnd Eflingar.

Að vísu voru einhver forföll þannig að ekki voru allir mættir á fundinn – en margir samt. Á móti þeim sátu tveir fulltrúar Samtaka atvinnulífsins, framkvæmdastjórinn Halldór Benjamín og Anna Hrefna Ingimundardóttir aðstoðarframkvæmdastjóri.

Venjulega eru tveir til fimm fulltrúar Samtaka atvinnulífsins í viðræðum við viðsemjendur, samkvæmt upplýsingum Halldórs.

Nánar má lesa um málið í Morgunblaðinu.