Kvikmyndaskóli Íslands | 14. nóvember 2022
Mikil aðsókn í Kvikmyndaskóla Íslands
„Úr þessum skóla kemur á ári hverju fjöldinn allur af ungu og hæfileikaríku fólki sem lætur til sín taka. Mjög munar um framlag þess og sá alþjóðlegi iðnaður að búa til bíó þrifist tæplega hér á landi nema af því að hér er fólk sem kann til verka í faginu,“ segir Börkur Gunnarsson, rektor Kvikmyndaskóla Íslands.
Mikil aðsókn í Kvikmyndaskóla Íslands
Kvikmyndaskóli Íslands | 14. nóvember 2022
Setja bókamerki
„Úr þessum skóla kemur á ári hverju fjöldinn allur af ungu og hæfileikaríku fólki sem lætur til sín taka. Mjög munar um framlag þess og sá alþjóðlegi iðnaður að búa til bíó þrifist tæplega hér á landi nema af því að hér er fólk sem kann til verka í faginu,“ segir Börkur Gunnarsson, rektor Kvikmyndaskóla Íslands.
„Úr þessum skóla kemur á ári hverju fjöldinn allur af ungu og hæfileikaríku fólki sem lætur til sín taka. Mjög munar um framlag þess og sá alþjóðlegi iðnaður að búa til bíó þrifist tæplega hér á landi nema af því að hér er fólk sem kann til verka í faginu,“ segir Börkur Gunnarsson, rektor Kvikmyndaskóla Íslands.
Um þessar mundir er Kvikmyndaskóli Íslands 30 ára og verður þeim tímamótum fagnað næstkomandi föstudag, 18. nóvemer. Starfið í skólanum er á góðri siglingu um þessar mundir og þar má nefna að á síðustu tveimur mánuðum hafa nemendur skólans, sem eru um 100, framleitt alls 84 kvikmyndir.
Á þremur áratugum gerist margt, ekki síst þegar horft er til þess að í gerð kvikmynda er framvindan hröð. Listræn viðmið eru í sífelldri þróun og sömuleiðis tæknin sem starfað er með. Mikilvægt er að kunna skil á framleiðsluaðferðum, enda þótt stóri galdurinn sé alltaf sá að geta sagt sögu.
„Sérhver saga byggist á sterkum þræði og spennan þarf að vera fyrir hendi. Persónurnar í stykkinu þurfa að vera trúverðugar svo áhorfandinn fyllist von og hafi einhvern til að halda með. Sviðsmyndir í umhverfinu þurfa sömuleiðis að vera sterkar og til staðar þurfa sömuleiðis að vera tákn og skilaboð. Þetta er alvörubíó,“ segir Börkur.
Í tilefni af 30 ára afmæli skólans mun mbl.is í dag og næstu daga birta valdar stuttmyndir sem fyrrverandi nemendur við skólann hafa framleitt.
Viðtalið við Börk má lesa í heild sinni í Morgunblaðinu í dag.
