Fyrirsætan Ásdís Rán Gunnarsdóttir er byrjuð með hlaðvarp sem nefnist Krassandi konur. Í fyrsta þættinum ræðir hún við Valdimar Þór Svavarsson ráðgjafa hjá Fyrsta skrefinu en lesendur Smartlands þekkja hann vel en hann hefur svarað spurningum frá lesendum um árabil. 

Í þættinum tala þau um hvernig hægt er að lifa hamingjusömu lífi eftir áföll og hvort það sé hægt að byggja upp samband eftir framhjáhald. 

Hvar drögum við mörkin varðandi hegðun á samfélagsmiðlum? Er í lagi kvæntir menn setji hjarta við myndir af ungum stúlkum? Er í lagi þegar kvæntir menn sendi konum kynferðisleg skilaboð á samfélagsmiðlum? 

Talið best líka að samböndum. Ásdís Rán segir að henni finnist hundleiðinlegt að eiga ekki kærasta. 

„Mér finnst ég ekki nóg ein. Mér finnst erfitt að vera á lausu því það er of mikið áreiti. Mér finnst hundleiðinlegt að vera ein,“ segir Ásdís Rán og Valdimar segir að það sé ekkert að því. Það sé eðlilegt að fólk vilji para sig með öðru fólki. 

Valdimar segir að það séu til margar tegundir af samböndum og það sé mjög mikill munur á venjulegu sambandi og innihaldsríku sambandi. 

Valdimar Þór Svavarsson fyrirlesari og ráðgjafi hjá Fyrsta skrefinu.