Við erum dottin inn í hamingjuríkasta tímabil ársins – þegar við hámum í okkur (í hófi) góðgæti og girnilegan mat með okkar nánasta fólki. 

Við duttum niður á þessa einföldu og girnilegu uppskrift að súkkulaðijólatré sem smellpassar í jólabrönsinn og hráefnalistinn er talinn upp á annarri hendi. Þetta þarf alls ekki að vera flókið og er það sjaldnast þegar Nutella á í hlut. 

Þetta er allt sem til þarf:

• 2 smjördeigsarkir
• 1/2 krukka af Nutella
• egg til að pensla
• Leggið smjördeigið á bökunarpappír og penslið með Nutella. Leggið því næst hitt smjördeigið yfir. Skerið út jólatréð, skreytið og bakið í ofni í 25 mínútur. Stráið flórsykri yfir og berið fram.