Raunveruleikastjarnan Kourtney Kardashian hefur talað opinskátt um tæknifrjóvgunarferli sitt, en rúmir tíu mánuðir eru liðnir frá því að hún hætti í meðferðinni og hún segist „loksins byrjuð að fá orku aftur.“

Kourtney segir tæknifrjóvgunina hafa reynt mikið á heilsu sína, bæði líkamlega og andlega. Fram kemur á vef Page Six að þær hafi meðal annars valdið þyngdaraukningu og tíðarhvörfum hjá Kourtney. 

Frétt af mbl.is

Búin að gefast upp á tæknifrjóvgun

„Loksins byrjuð að fá orkuna mína aftur tíu mánuðum eftir glasafrjóvgunina, fyrir alla aðra sem eru að fara í gegnum þetta, þá lagast þetta,“ skrifaði Kourtney við mynd af sér á æfingu, en hún virðist vera farin að hafa orku til að hlaupa á ný. 

Kourtney tók mynd á hlaupabrettinu og fagnaði því að vera að fá orkuna sína á ný. Skjáskot/Instagram

Kourtney og eiginmaður hennar, Travis Barker, gengu í það heilaga í maí síðastliðnum eftir að hafa verið saman í rúmt ár. Þau vildu ólm stækka fjölskyldu sína, en þau eiga fyrir fimm börn, Travis á son og dóttur með fyrrverandi eiginkonu sinni og Kourtney á tvo syni og eina dóttur með fyrrverandi kærasta sínum.