Sérstök rannsóknarnefnd fulltrúadeildar Bandaríkjaþings, sem sett var á fót vegna árásarinnar á þinghúsið í janúar 2021, hefur lagt fram tillögur sínar. Hlutu þær einróma samþykki nefndarmanna.

Lagt er til að Donald Trump, fyrrverandi forseti Bandaríkjanna, verði ákærður fyrir tilraun til valdaráns, truflun á þingfriði, skipulagningu föðurlandssvika og fyrir að dreifa fölskum upplýsingum með því að hafa frammi rangfærslur. 

Frétt af mbl.is

Leggja til að Trump verði ákærður í 3 liðum

Afhentar sérstökum saksóknara

„Nefndin hefur komist yfir mikilvæg gögn sem sanna að Trump hafi ætlað sér að koma í veg fyrir friðsamleg valdaskipti, samkvæmt stjórnarskránni,“ sagði Jamie Raskin, þingmaður og nefndarmaður, þegar hann kynnti tillögurnar. 

Tillögurnar hafa verið afhentar sérstökum saksóknara sem mun svo taka ákvörðun um framhaldið.