Uppskrift

Þessi er heldur betur klassísk og hlýjar manni um hjartarætur. Hún er alltaf jafn góð og jafn vinsæl. Létt í sér, dúnmjúk og fullkomlega bragðmikil með kókstoppnum sem fer ofan á. Hún er best með ískaldri mjólk og eins einföld og þær gerast. 

Kaka

• 4 egg
• 300 g sykur
• 10 g vanilludropa
• 250 g hveiti
• 15 g lyftiduft
• 50 g smjör
• 200 ml mjólk 

Kókostoppur

• 100 g smjör
• 200 g púðursykur
• 70 ml mjólk 
• 150 g kókosmjólk

Aðferð

• Byrjið á að hita ofninn í 170 °C. 
• Þeytið saman egg og sykur þar til blandan er orðin létt og ljós. 
• Bætið síðan vanilludropum saman við. 
• Sigtið saman hveiti og lyftiduft og bætið saman við eggja- og sykurblönduna í nokkrum skömmtum og blandið vel á milli. 
• Bræðið smjörið við meðalhita. Bætið mjólkinni saman við og hellið blöndunni varlega út í deigið hrærið þar til allt er komið vel saman. 
• Hellið deiginu ú skúffukökuform sem er klætt með smjörpappír og spreyjað með matarolíuspreyi. 
• Bakið í 30-35 mínútur, eða þar til kakan er orðin gullinbrún. 
• Búið til kókostoppinn á meðan kakan bakast. 
• Bræðið saman smjör, púðursykur og mjólk í potti við meðalhita. Bætið kókosmjölinu saman við þegar allt er bráðið og blandið kókosmjölinu vel saman við. 
• Þegar kakan er tilbúin hellið þið blöndunni jafn yfir kökuna og dreifið úr með spaða. 
• Bakið áfram í um 10 mínútur, eða þar til kókostoppurinn fer að gyllast . 
• Leyfið kökunni að kólna vel áður en þið lyftið henni úr forminu.