Uppskriftir | 23. desember 2022

Súkkulaðimúsin sem bragðast eins og jólin

Enn einn girnilegi eftirrétturinn sem við sjáum á borðum fyrir hólin. Eitt sett sörumús að hætti Lindu Ben - gjörið svo vel.

Súkkulaðimúsin sem bragðast eins og jólin

Uppskriftir | 23. desember 2022

Eitt sett sörumús að hætti Lindu Ben. Mbl.is/Linda Ben

Enn einn girnilegi eftirrétturinn sem við sjáum á borðum fyrir hólin. Eitt sett sörumús að hætti Lindu Ben - gjörið svo vel.

„Ég mæli með því að gera súkkulaðimúsina með fyrirvara en ekki setja músina ofan á botnana fyrr en samdægurs þar sem þeir blotna með tímanum og það er betra þegar þeir eru svolítið stökkir,“ segir Linda.

Lakkrís-súkkulaðimús að hætti Lindu Ben

3 eggjarauður
100 g vatn
100 g sykur
300 g Eitt Sett rjómasúkkulaði
100 g mjúkt smjör
500 ml rjómi
300 g Barón Súkkulaði

Botnakröns

3 eggjahvítur
1/3 tsk. salt
1/3 tsk. cream of tartar
50 g sykur
200 g flórsykur
200 g möndlumjöl

Aðferð:

Þeytið eggjarauður í hrærivél þar til blandan er orðin létt og ljós. Hitið vatn og sykur í potti í um 3 mínútur eða þar til sykurinn hefur náð að leysast upp í vatninu. Hellið sykurvatninu saman við eggjarauðurnar í mjórri bunu og hrærið rólega á meðan. Þeytið þar til blandan er loftmikil og nánast hvít að lit.
Bræðið Eitt Sett súkkulaðið. Hellið því næst súkkulaðibráðinni saman við eggjablönduna í mjórri bunu og hrærið rólega á meðan. Stoppið reglulega og skafið hliðar skálarinnar með sleikju svo allt blandist vel saman. Skerið mjúka smjörið í litla bita og þeytið það saman við.
Geymið kremið inni í ísskáp yfir nótt.
Kveikið á ofninum og stillið á 175°C með yfir- og undirhita.
Setjið eggjahvítur í skál ásamt salti og cream of tartar, þeytið þar til blandan freyðir og bætið þá sykrinum út í. Þeytið þar til stífir toppar myndast.
Blandið saman flórsykri og möndlumjöli. Bætið út í eggjahvítublönduna og veltið varlega saman við með sleikju þar til samlagað.
Hellið deiginu ofan í sprautupoka með hringlaga stút.
Sprautið á smjörpappírsklæddar ofnplötur þannig að hver kaka sé u.þ.b. 4 cm í þvermál. Bakið í u.þ.b. 12 mín. Leyfið kökunum að kólna.
Takið u.þ.b. 4-6 botna og brjótið hvern botn í u.þ. 2-4 bita, setjið í glös sem bera á súkkulaðimúsina fram í.
Setjið súkkulaðimús yfir og sléttið toppinn.
Bræðið helminginn af Barón súkkulaðinu yfir vatnsbaði, takið súkkulaðið af hitanum og brjótið hinn helminginn af súkkulaðinu út í súkkulaðið. Hrærið varlega saman þar til allt hefur bráðnað, setjið skálina helst ekki aftur ofan í heita vatnið, það er eðlilegt að þetta taki svolitla stund (með því að bræða súkkulaðið svona hægt verður það aftur stökkt þegar það stirðnar aftur).
Setjið súkkulaði yfir músina með teskeið og sléttið svo varlega með teskeið. Leyfið súkkulaðinu að stirðna og berið svo eftirréttinn fram.