Það ætlaði bókstaflega allt um koll að keyra í desember þegar fyrsta sendingin af íþróttadrykknum PRIME kom til landsins. Drykkurinn fór í sölu í völdum verslunum Krónunnar og N1 og seldist upp á augabragði.

Síðan þá hafa aðdáendur drykkjarins beðið með öndina í hálsinum en nú hefur verið tilkynnt að ný sending fer í sölu á morgun í Krónunni og á eftirtöldum N1 sölustöðum:

• Borgarnes
• Blönduós
• Ólafsvík
• Ísafjörður
• Sauðárkrókur
• Húsavík
• Egilsstaðir
• Höfn
• Hveragerði
• Keflavík
• Ártúnshöfði
• Hringbraut
• Lækjargata
• Borgartún

Það eru YouTube-stjörnurnar og áhugahnefaleikakapparinir Paul Logan og KSI sem eiga heiðurinn að drykknum sem nýtur gríðarlegra vinsælda um heim allan. 

Forstöðukona markaðsmála hjá N1, Þyrí Dröfn Konráðsdóttir, segir að viðtökurnar í desember hafi verið frábærar og það sé mikil tilhlökkun að geta boðið landsbyggðinni líka upp á drykkinn.

Síðast þegar drykkurinn kom til landsins þurfti að takmarka fjölda keyptra flaskna í tvær á mann og verður sami háttur hafður á núna. Ljóst er að þeir sem ætla að verða sér út um drykkinn góða þurfa að hafa sig alla við því drykkurinn fer formlega í sölu klukkan 9 í fyrramálið.