„Ég hef fengið þetta allan minn feril,“ sagði Aron Pálmarsson, fyrirliði ís­lenska karlalandsliðsins í handknattleik, í Sonum Íslands, vefþætti mbl.is sem fram­leidd­ur er af Studio M.

Frétt af mbl.is

Synir Íslands: Aron Pálmarsson

Aron, sem er 32 ára gamall, hefur unnið allt sem hægt er að vinna í handboltaheiminum en hann hefur leikið með stórliðum Kiel, Veszprém, Barcelona og Aalborg á ferlinum.

„Bæði frá þjálfurum, leikmönnum, fjölskyldu og stuðningsmönnum sem vilja að ég skjóti meira,“ sagði Aron.

„Ef mér finnst gæinn við hliðina á mér vera í 10% betra færi, þá finnst mér ég eiga að gefa á hann,“ sagði Aron meðal annars.

Aron er í aðalhlutverki í fimmta þætti af Sonum Íslands en hægt er að horfa á þátt­inn í heild sinni með því að smella á hlekk­inn hér fyr­ir ofan eða inn á heimasíðu þáttanna sem má nálgast hér.

Aron Pálmarsson. mbl.is/Kristinn Magnússon