Flowerpot er án efa eitt þekktasta ljós síðari ára og fæst nú í hvorki meira né minna en sex nýjum útfærslum.

Ljósið er klassísk hönnun frá árinu 1968 og það er hinn djarfi og litaglaði Verner Panton sem á heiðurinn af ljósinu. Flowerpot hefur verið vinsælt í eldhús- og stofurýmum, og þar verður engin breyting á með þessum nýju litum sem við sjáum hér. Nýju litirnir kallast Dark Plum, Swim Blue, Tangy Pink, Cobalt Blue, Vermilion Red og síðast en ekki síst Black and White Pattern – sem er einstök útfærsla með „retro“-yfirbragði. Dáleiðandi munstur sem Verner notaði á sjöunda áratugnum en var síðan lagt til hliðar þar til núna.

Ný útfærsla af Flowerpot ljósinu - hér með svart/hvítu munstri. mbl.is/&Tradition

Tangy Pink sómir sér vel í þessu eldhúsi. mbl.is/&tradition

Hér má sjá litinn Dark Plum. mbl.is/&tradition