Arfurinn minn er þriðja og síðasta þáttaröðin í þríleiknum um karlfauskinn Benedikt, sem greindist með æxli í heila í fyrstu þáttaröðinni sem bar nafnið Jarðarförin mín og síðar kom Brúðkaupið mitt.

Þórhallur Sigurðsson, eða Laddi eins og hann er kallaður, er í aðalhlutverki í þáttaröðinni. Í henni er líf Benedikts komið á hræðilegan stað. Hann er lagstur inn á líknardeild og fær þær fréttir að hann eigi ekki langt eftir.  

Hann ákveður að eftirláta Birni syni sínum allt sem hann á og virðist sætta sig við dauðann þar til hann kynnist sjúklingi sem sannfærir hann um að taka upp kveðjumyndbönd fyrir fjölskylduna. 

Serían kemur inn í Sjónvarp Símans 5. apríl. Ef þú varst ekki búin/n að skipuleggja páskana þá veistu allavega eitt. Þér mun ekki leiðast.