Fjöldi krókaaflamarksbáta hefur mokveitt í febrúarmánuði og náðu bátarnir tæplega 3.510 tonnum af þorski, samkvæmt skráningu Fiskistofu. Hafa þeir nú veitt 62,7% þess þorskafla sem heimild er fyrir. Verði aflabrögð jafngóð í mars verður við lok þess mánaðar búið að veiða 75% af þeim 29 þúsund tonnum sem heimildir eru fyrir í krókakerfinu, að því er fram kemur í Morgunblaðinu.

Ljóst þykir að margir bátar klári kvótann óvenju snemma að þessu sinni. „Þegar er mikið af fiski á miðunum og ekki liggur fyrir viðurkenning Hafrannsóknastofnunar á því lenda menn í vandræðum. Góð veiði er ekkert annað en merki um gott ástand á viðkomandi fiskistofni,“ segir Arthur Bogason, formaður Landssambands smábátaeigenda.