Einn smekklegasti húsgagnaframleiðandinn, GUBI, hefur sett línurnar fyrir sumarið með glæsilegum stólum og borði. Og þrátt fyrir nístingskulda hér á landi, þá megum við alveg láta okkur dreyma um heitari tíma með fleiri samverustundum utandyra.

Strandarlífsstíll Miðjarðarhafsins er hálfgert þema hjá GUBI í ár – þar sem breiðar rendur í textíl í sólkysstum litum eru áberandi. Stólahönnun frá árinu 1950 og kallast Tropique Collection sést hér í suðrænni útgáfu. Sætisbak, sessa og bogadregnir armar eru bólstruð með Leslie Jacquard efni, sem er eingöngu þróað fyrir GUBI. Stólagrindin er fáanleg í svörtu og hvítu stáli, og er í sama stíl og borðið sem kemur úr sömu vörulínu – en þess má geta að húsgögnin eru veðurþolin yfir sumartímann. Húsgögnin frá GUBI fást í versluninni Epal.

mbl.is/GUBI

mbl.is/GUBI

Borð og stólar í Tropique vörulínunni frá GUBI. mbl.is/GUBI

mbl.is/GUBI