Fatahönnuðurinn Halldór Karlsson og crossfit-stjarnan Sólveig Sigurðardóttir eru nýtt par. Halldór og Sólveig hafa verið að stinga saman nefjum undanfarna mánuði.

Halldór er útskrifaður fatahönnuður frá Listaháskóla Íslands og hefur undanfarið unnið í búningadeild fyrir þættina True Detective: Night Country. Hann er einnig þjálfari í Mjölni og heldur úti hlaðvarpsþáttunum Sterakastið ásamt tvíburabróður sínum Benedikt Karlssyni og Böðvari Tandra Reynissyni, yfirþjálfara í Mjölni.

Sólveig keppti á heimsleikunum í crossfit á síðasta ári, en það var í fyrsta skipti sem hún komst alla leið á leikana í einstaklingskeppni. Lenti hún í 34. sæti. Nú er hún komin í undanúrslit fyrir heimsleikana. Tryggði hún sér 16. sæti í Evrópu um helgina.

Frétt af mbl.is

Vissi að þetta yrði „hell“

Smartland óskar þeim til hamingju!