Laddi mætir aftur á skjáinn á morgun í hlutverki Benedikts þegar þáttaröðin Arfurinn minn verður sýnd. 

Benedikt fær þær fregnir að ekki sé langt eftir. Hann ákveður að eftirláta Birni syni sínum allt sem hann átti og virðist sætta sig við dauðann þar til hann kynnist sjúklingi sem telur hann á að taka upp kveðjumyndbönd fyrir fjölskylduna. Þessi sjúklingur heitir Alma og bíða þau saman eftir dauðanum.

„Ég fíla Björgvin Halldórsson, hann spilaði í brúðkaupinu mínu,“ segir Benedikt en Karen Björg er ekki sammála honum. Hún er á því að Herra Hnetusmjör sé betri. 

„Nei, hann er bara sorp,“ segir Benedikt. 

Þáttaröðin er sýnd í Sjónvarpi Símans Premium.