Alríkisdómari í bandaríska ríkinu Texas hefur ógilt leyfi sem bandaríska matvæla- og lyfjaeftirlitið samþykkti fyrir tveimur áratugum um öryggi og skilvirkni lyfs fyrir þungunarrof. 

Lyfið nefnist mifepristone. 

Frétt af mbl.is

Vilja hefta enn frekar aðgengi að þungunarrofi

Donald Trump, fyrrverandi Bandaríkjaforseti, skipaði dómarann íhaldssama í embættið á sínum tíma.

Matvæla- og lyfjaeftirlitið og bandaríska dómsmálaráðuneytið hafa bæði áfrýjað ákvörðuninni. Joe Biden Bandaríkjaforseti segjst ætla að „berjast gegn þessum úrskurði“.

„Málshöfðunin og þessi úrskurður er enn eitt skrefið, sem á sér engin fordæmi, sem snýst um að taka í burtu grundvallarfrelsi kvenna og stofna heilsu þeirra í hættu,“ sagði Biden í yfirlýsingu.

Búist er við því að málið endi í Hæstarétti Bandaríkjanna.