Fyrir mörgum getur tíminn sem tekur gerdeig að hefast, verið ákveðin hindrun í að kasta sér út í baksturinn - því það er gefin staðreynd að við erum alltaf hálfpartinn að flýta okkur. Hér er aðferð sem þú vissir eflaust ekki af fyrr en núna, sem lætur deigið hefast á nokkrum sekúndum.

Einfalda útgáfan er sú að þú setur deigið á bökunarpappir og á disk, og inn í örbylgjuofn. Láttu ofninn vinna á 900 W í 20-30 sekúndur og jafnvel aðeins lengur ef deigið verður ekki volgt. Mótaðu deigið í bollur (sértu að fara baka slíkt) og láttu standa í 20 mínútur áður en þú bakar þær eftir uppskriftinni.