Vinsælasta eldhústækið þessi dægrin er án efa air-fryer, eða loftsteikingatæki. Elísabet Sigurðardóttir er án efa einn mesti reynsluboltinn er kemur að notkun tækisins, en hún heldur úti síðunni Airfryeruppskriftir á Instagram þar sem hún deilir uppskriftum og góðum ráðum varðandi græjuna.

Margir velta því fyrir sé hvernig best sé að þrífa græjuna og þegar Elísabet er spurð stendur ekki á greinagóðu svari.

Elísabet segist alltaf þrífa sinn air-fryer í höndunum. „Ég þríf minn alltaf í höndunum með smá uppþvottalegi og mjúkum svampi. Ég legg air-fryerinn oft í bleyti á meðan við borðum og þá er mjög einfalt að þrífa hann þegar við göngum frá eftir matinn.“

Hægt er að fylgjast með Elísabetu nánar hér:

• Airfryeruppskriftir
• Airfryerdanmark
• Elisabetsfoodcorner